0

ການເຮັດ Live USB Persistence ໃຫ້ Live boot ສາມາດເກັບຂໍ້ມູນໄດ້!

ສະບາຍດີ ພົບກັນອີກຄັ້ງມື້ນີ້ຈະມາເວົ້າເລື່ອງ ການເກັບຂໍ້ມູນໃນ Mode Live boot ສຳລັບ Kali ເນາະ.

ເລື່ອງມີຢູ່ວ່າມື້ກ່ອນຢາກເຮັດ Dual boot ແຕ່ laptop ທີ່ໃຊ້ຢູ່ຫຍຸ້ງຍາກບໍ່ເປັນໃຈປານໃດແຖມມີແຕ່ drive ດຽວເລີຍປ່ຽນໃຈວ່າຈະເຮັດເປັນແບບ USB Live boot ເອົາ.

ແຕ່ກະຍັງມາພໍ້ບັນຫາອີກວ່າ Live boot (ທຳມະດາ) ນັ້ນບໍ່ສາມາດເກັບຮັກສາຂໍ້ມູນໄດ້ ມັນຈະ reset ທຸກຢ່າງໃໝ່ຖ້າປິດ.

ເລີຍຄົ້ນຫາວິທີແບ່ງ partition ໃນ flash drive ກະເລີຍມາພໍ້ກັບຄຳວ່າ Live USB Persistence ເຊິ່ງເວລາ boot ເຂົ້າ Kali ມັນຈະມີໃຫ້ເລືອກຢູ່ເນາະ.

(This photo belongs to linuxpitstop.com)

ສິ່ງທີ່ຄວນມີ

1. Universal USB Installer : www.pendrivelinux.com/universal-usb-installer-eas…

2. Kali Linux Image : https://www.kali.org/downloads/

3. MiniTool Partition Wizard : www.partitionwizard.com

ແລະ ສຸດທ້າຍທ້າຍສຸດແມ່ນ Flash drive(USB) 8GB ຂຶ້ນເມືອ.

================

ມາເລີ່ມເລີຍຂັ້ນຕອນທຳອິດແມ່ນ ເປີດໂປແກມ Universal USB Installer ຂຶ້ນມາ ແລ້ວ ເລືອກ Image file ຂອງ Kali ເລືອກ USB ຂອງຜູ້ອ່ານ ແລ້ວກໍ່ກົດ Next Next ຖ້າຈົນແລ້ວ.

ຮອດຂັ້ນຕອນນີ້ຖືວ່າແລ້ວໆເນາະ.!

ມາຕໍ່ກັບຂັ້ນຕອນທີ 2

ແບ່ງ partition ໃໝ່ໃນ USB

ໃນນີ້ເຮົາຈະໃຊ້ໂປແກມ MiniTool Partition Wizard ເປັນ Freeware ໃຊ້ງ່າຍ. ລິ້ງໂຫລດທາງເທິງເລີຍ.

ກ່ອນອື່ນເປີດໂປແກມຂຶ້ນມາກ່ອນເນາະ ແລ້ວ ເລືອກ flash drive ຂອງຜູ້ອ່ານແລ້ວເລືອກ Move/Resize

ກໍ່ຈະຂຶ້ນໜ້າຕາລັກສະນະນີ້ເພື່ອໃຫ້ເລື່ອນເລືອກວ່າຕ້ອງການແບ່ງເທົ່າໃດ ໃນນີ້ແນະນຳວ່າແບ່ງເປັນເຄິ່ງໆກັນເນາະ ຄື ສ່ວນທີ່ເປັນ kali ໃຫ້ແບ່ງເຫລືອ 3GB ປາຍ ເພາະໂຕ OS ກິນໄປ 2GB ປາຍແລ້ວເພື່ອເຮົາຕ້ອງການອັບເດດຫຍັງ.

ຫລັງຈາກນັ້ນເຮົາກໍ່ຈະໄດ້ແບບນີ້. ເຮົາຈະເຫັນ partition ໃໝ່ທີ່ມີແຖບສີເທົາໆ ເນາະ ອັນນັ້ນແມ່ນ partition ທີ່ຍັງວ່າງຢູ່

ສະນັ້ນເຮົາຈະສ້າງຂຶ້ນມາໃໝ່ໃຫ້ ຄຣິກຂວາໃສ່ແລ້ວກົດ Create

 

ແລ້ວເລືອກເປັນ

· Create as: Primary
· File System: Ext4
· Partition Label: persistence

ກົດ OK

ແລ້ວກໍ່ກົດ Apply ເຄື່ອງໝາຍ ຖືກຢູ່ແຈຊ້າຍສຸດ ຖ້າໜິດໜຶ່ງກໍ່ໄດ້ເນາະ.

ເມື່ອມັນດຳເນີນການແລ້ວເຮົາກໍ່ boot ເຂົ້າ USB Bootable ຂອງເຮົາເລີຍແລ້ວກໍ່ຢູ່ Menu ຂອງ Kali ໃຫ້ເລືອກ

USB Live Persistence ເນາະບໍ່ຊັ້ນຂໍ້ມູນບໍ່ຖືກບັນທຶກແທ້ໆ. ໃຫ້ໝັ້ນໃຈວ່າທຸກເທື່ອແມ່ນເລືອກ USB Live Persistence ເນາະທຸກຄົນ. ດີຫລາຍ.

ເມື່ອ Boot ເຂົ້າ Kali ໄດ້ແລ້ວ. ເຮົາມາກວດເບິ່ງ disk ທີ່ເຮົາມີເລີຍໂດຍການເປີດ terminal ຂຶ້ນມາ ແລ້ວພິມວ່າ

fdisk -l

ກໍ່ຈະໄດ້ແບບນີ້

install-kali-live-usb-drive-with-persistence-optional.w654

ຢ່າງົງວ່າມັນຄືຫລາຍແທ້!

ຈື່ບໍ່ວ່າ flash drive ຂອງເຮົາມີສ່ວນທີ່ເປັນ FAT32 ຢູ່ຕອນເຮົາໃຊ້ USB Universal ນັ້ນລ່ະ

Device boot ມັນແມ່ນ /dev/sdc1 ຕາມຮູບ

(  ຜູ້ອ່ານອາດຈະຄືຫຼືຕ່າງກະໄດ້ ຄືຕອນຜູ້ຂຽນເຮັດຈະເປັນ /dev/sda1 ເນາະຂໍ້ໃຫ້ທຳຄວາມເຂົ້າໃຈໄວ້ບໍ່ຕ້ອງຕົກໃຈ )

ເອົາລ່ະ. ເຫັນໄດ້ວ່າ partition ໃໝ່ທີ່ເຮົາສ້າງລະບົບກໍ່ກວດເຫັນຄືກັນມັນຢູ່ /dev/sdc2

ມາຕໍ່ກັບຂັ້ນຕອນຕໍ່ໄປ

ສ້າງ directory ຢູ່ໃນ file system ເພື່ອ mount ຈາກ usb ຂອງຜູ້ອ່ານ

ພິມຕາມນີ້ ເທື່ອລະຄຳສັ່ງ

mkdir -p /mnt/my_usb

mount /dev/sdc2 /mnt/my_usb (ຢ່າລືມປ່ຽນ /dev/sdc2 ຖ້າມັນຕ່າງກັບຂອງຜູ້ອ່ານ)

echo “/ union” > /mnt/my_usb/persistence.conf

umount /dev/sdc2 && reboot

=====

ເທົ່ານີ້ລະບົບກໍ່ຈະ reboot ອັດຕະໂນມັດ ແລ້ວກໍ່ຂໍຢ້ຳອີກຄັ້ງວ່າເວລາໃຊ້ live boot ແມ່ນໃຫ້ເລືອກ

USB Live Persistence ບໍ່ຊັ້ນເຮັດຫຍັງໄປຂໍ້ມູນຫາຍແທ້ໆ ຫະຫະ

ຂອບໃຈທີ່ອ່ານຈົນສຸດ.. ຂໍໃຫ້ໂຊກດີ ພົບກັນອີກບົດຄວາມຕໍ່ໄປ.

reference : http://null-byte.wonderhowto.com/how-to/install-kali-live-usb-drive-with-persistence-optional-0162253/

Frankkung

Frankkung

FULLSTACK DEVELOPER - PENETRATION TESTER