ABOUT ME!

ສະບາຍດີ໋ ສະບາຍດີ້ ສະບາຍດີ ~~~

ໜ້ານີ້ຈະເປັນໜ້າຂອງເຈົ້າຂອງເວັບ Frankkung.com ລ້ວນໆເນາະ ບໍ່ມີຫຍັງອື່ນເລີຍເວົ້າເລື່ອງໂຕເອງລ້ວນໆໆໆໆໆໆໆ.

ຄຳເຕືອນ: ລະວັງຕົກຫລຸມຮັກເຈົ້າຂອງເວັບເດີ້.. ຫະຫະຫະ

ເອົາເປັນວ່າຂໍສະບາຍດີອີກຄັ້ງໜຶ່ງຢ່າງເປັນທາງການ

ແອັດແມວຊື່ວ່າ : ທ້າວ ແສງໄຊ ໄຊຍະຈັກ 

ຫຼື ເອີ້ນງ່າຍໆວ່າ ແຟັຣງ ຫຼື ແຝັງ ຫຼື ແຟ້ງ ກະໄດ້ແລ້ວແຕ່ເນາະ.

ເປັນຊື່ຂອງເວັບນີ້ລ່ະ ແຟ້ງຄຸງ ຫະຫະ.

ເກີດວັນທີ 21 ມັງກອນ 1996 .

ນິດໄສສ່ວນໂຕ: ຕ້ອງເບິ່ງກັນຍາວໆ ຫະຫະ ຖ້າຢາກຮູ້ກະມາຮູ້ຈັກກັນນ ອະທິບາຍບໍ່ໄດ້

ຈາກແຂວງ: ສະຫວັນນະເຂດ

ມັກອ່ານຫາຄວາມຮູ້ໃໝ່ໆ, ມັກທີ່ຈະ ພັດທະນາ ສັງຄົມ. ຮັກທີ່ຈະແບ່ງປັນຄວາມຮູ້!

ສິ່ງທີ່ສົນໃຈ: Computer! ແຕ່ດ້ານທີ່ສົນໃຈແມ່ນ Cyber Security ສົນໃຈແຮງ ຮັກແຮງ ມັກແຮງ… ມັກຕັ້ງແຕ່ຍັງນ້ອຍໆຈົນໃຫຍ່ປານນີ້ຍັງບໍ່ເກັ່ງຢູ່ ຫະຫະ.

ເຖິງຈະຮັກ Security ຫລາຍແຕ່ໃນໃຈກໍ່ເລິກໆກໍ່ຮັກໃນການພັດທະນາລະບົບຄືກັນ ໂດຍເຮົາໃຊ້ພາສາ PHP&MySQL ແລະ Python ໃນການພັດທະນາ.

ແຕ່ກໍ່ສົນໃຈດ້ານອື່ນນຳ ເຊັ່ນ ຖ່າຍຮູບ (Nikon D5300), ມັກທ່ອງທ່ຽວ (Backpack), ມັກຫລິ້ນກີລາ, ມັກປາຕີ້. ເຖິງຈະບ້າຄອມແຕ່ກໍ່ບໍ່ໄດ້ມົກມຸ້ນຫລາຍເກີນໄປ.

ອັນນີ້ແມ່ນໜ້າຕາຂອງຜູ້ຂ້າເອງ ທ້າວ ແຟ້ງ.

ຜົນງານຜ່ານມາ: ທີ່ເດັ່ນໆເລີຍເປັນຫຍັງທີ່ບໍ່ກ່ຽວກັບສິ່ງທີ່ສົນໃຈປານໃດແຕ່ກໍ່ເປັນກຽດຫລາຍທີ່ໄດ້ຮັບ ນັ້ນກໍ່ຄື

ລາງວັນຊະນະເລີດ ຂອງການແຂ່ງຂັນ Microsoft Office World Championship ຫຼືເອີ້ນຫຍໍ້ໆວ່າ MOSWC  ລະດັບປະເທດປີ 2014 ແລະ 2015 2 ປີ ແລະ ໄດ້ເປັນຕົວແທນປະເທດລາວໄປແຂ່ງລະດັບໂລກຢູ່ ປະເທດ ອາເມລິກາ (California & Texas) ຈັດໂດຍ ບໍລິສັດ IIG ສຶກສາລາວ.

8

ຜ່ານເຂົ້າຮອບສຸດທ້າຍແຂ່ງຂັນ I-SECURE CTF ຈັດຂຶ້ນຢູ່ Bangkok ແລະ ທີມໄດ້ອັນດັບ 4

14022203_1270923622918386_1378439618687650274_n

ຕໍ່ມາກໍ່ຈະເປັນພວກທຶນໄປທັດສະນາຕ່າງໆຄື JENESYS Programme ໄປ ຍີ່ປຸ່ນ, ທຶນແລກປ່ຽນບົດຮຽນຢູ່ປະເທດຫວຽດນາມ, ແຄັ້ມພາສາອັງກິດ ຢູ່ປະເທດ ໄທ

ເລື່ອງໂຕເອງກໍ່ໜ້າຈະໝົດພຽງເທົ່ານີ້ (ບໍ່ຮູ້ຈະເລົ່າຫຍັງແລ້ວ ຫະຫະ)

ຕໍ່ມາຈະເວົ້າເຖິງເປົ້າໝາຍ ຂອງການສ້າງ ບລັອກນີ້

ເປັນຫຍັງຈຶ່ງຂຽນບລັອກ?

ກ່ອນອື່ນຢາກໃຫ້ທຸກຄົນຄິດຕາມວ່າ ຂໍ້ມູນພາສາລາວໃນ ອິນເຕີເນັດມັນມີຫລາຍຢູ່ບໍ່? ແນ່ນອນວ່າ ບໍ່ແມ່ນບໍ ນັ້ນກໍ່ຄືເຫດຜົນຫລັກທີ່ສ້າງບລັອກນີ້ຂຶ້ນມາ.

ເພື່ອຊ່ວຍພັດທະນາພາສາລາວໃນອິນເຕີເນັດ! ແລະ ຂ້າພະເຈົ້າເອງ ຮູ້ສຶກສິ້ນຫວັງກັບຄົນລາວ ທີ່ສ່ວນຫລາຍຈະບໍ່ມີຈິດໃຈຊ່ວຍເຫລືອກັນພັດທະນາ, ແບ່ງປັນຄວາມຮູ້. (ໝາຍເຖິງບາງຄົນເທົ່ານັ້ນ).

ຄືທີ່ເຄີຍບອກກ່ອນໜ້ານີ້ວ່າຕົວເອງເປັນຄົນທີ່ຢາກຊ່ວຍເຫຼືອໃຫ້ສັງຄົມລາວເຮົາມີການພັດທະນາ ຈຶ່ງຢາກຈະເຮັດຫຍັງກໍ່ໄດ້ທີ່ຈະຊ່ວຍໃຫ້ ບາງຄົນ ທີ່ສົນໃຈຢາກຮຽນຮູ້ກ່ຽວກັບ ຄວາມປອດໄພລະບົບ, ຂຽນໂປແກມ ໄດ້ຮຽນຮູ້ສິ່ງທີ່ຕົນເອງມັກ

ແລະ ການຂຽນບລັອກກໍ່ຈະຊ່ວຍໃຫ້ຜູ້ຂຽນເອງໄດ້ ພັດທະນາໄປນຳ ກໍ່ຄືຫາສິ່ງໃໝ່ໆມາແບ່ງປັນ ຫຼື ຖ້າຂຽນອັນທີ່ຮູ້ຢູ່ແລ້ວກໍ່ຖືວ່າເປັນການ Review ສິ່ງທີ່ຮູ້ມາໃຫ້ແໜ້ນຂຶ້ນພ້ອມທີ່ຈະຕອບທຸກຄຳຖາມ ທີ່ຜູ້ອ່ານບໍ່ເຂົ້າໃຈ!

ສິ່ງທີ່ຂຽນໆມາຂ້າງເທິງນີ້ແມ່ນເຫດຜົນທີ່ສ້າງບລັອກນີ້ຂຶ້ນມາ.

ຂອບໃຈທີ່ອ່ານຈົນຈົບ ແລະ ຈະພະຍາຍາມຂຽນບົດຄວາມດີໆອອກມາໃຫ້ນັກອ່ານທັງຫຼາຍໄດ້ເກັບເອົາໄວ້ປະດັບຄວາມຮູ້ເດີ້.. ຕິດຕາມຕໍ່ໄປ Bookmark ເວັບໄວ້ເລີຍກໍ່ໄດ້ ກັນລືມ ຫະຫະ

ແສງໄຊ ໄຊຍະຈັກ

Webmaster of Frankkung.com